Il pallone oggi si gioca con i bastoni

Mi da sempar al «balón» al ma piàs e par-da-bón! Quand mi s'eri un giuvnot, tütt bèll visp e barisòt, cu'i danè d'la «bóna-man» mi andàvi a Milàn a «tifà» pr'i «ner-asür»: quèst l'è poch, ma l'è sicür! E quand gniva-giù la Juve, anca cun un temp da «pluve», l'er un «tifo» calurùs, però sempar rispetùs anca par i aversàri. Incö gh'è d'i ciulandàri che, viulent e scalmanà, (a i'a ciàman i «ultrà») i fan tanta cunfüsión e ragionan cu'i bastón e persìn cu'i bómb-a-man: gente «becera» e vilàn... Se adèss anca i stranier vegnan chì... Vess sever e cun «zero» tuleransa l'è la ünica speransa par rimèt i rob a post: mè ca s'dis: fà i cunt cun l'ost. In pulitica e in t'al sport l'«ultrà» g'han sempar tort! Keyr