NADÀL SULIDÀL

Manca ummò un més a rivà a Nadàl: è cumincià la cursa al regàl; i negusiànt is frégan i man, par lur l'è ‘l mumént püsè bèl ad l'an. Butégh e marcà jen ben rifurnì, spetànd' i cliént stan vèrt tüt al dì; gh'è un gran viavai in Curs e in Strà Növa, cun tanta pasiensa al regàl al sa tröva. L'è véra, la crisi la frena un po' i spéš, l'è una fadiga rivà ala fin dal méš; a dicémbar, però, gh'è ‘l dupi salàri, un po' ‘d respìr par impiegà e uperàri. Ociu, però, a slargà trop la bursa, se no la fa prèst a finì ‘sta cursa; e un po' d'atensiòn ala povra gént: fuma un pensiér par chi g'ha poch e gnént! ROBERTO POZZI