Ricordo di Lino Veneroni

Al disiva surident: "Al rumans pussè avincent l'è la vita!"... Ma, pürtrop, vegna 'l dì che, prima o dop, tüti devan pö murì: e l'è gnüd anca par ti... Tüti ànn par la "s-ciancàda" a fasivam 'na sbafàda: par mangià a s'dopra i man, ma però (stile d'..."ántan") cun davanti al bavaiö (no d'i rob da "biridö") e par bev gh'è la scüdela: tradissión ad "La Barcela"! Pö a s'canta d'i cansón (anca quèi chi èn no bón) in dialèt, sia ben intes, parchè là sum tut' paves: citadin opür "ariùs"... Ma 'l destin l'è... malmustùs e adèss ti t'agh s'èt pü: cume corp, parchè 'l tò ànim l'era no da püsilànim e la tò "pavesità" mi l'ho sempar amirà. Keyr