L'APERTURA DELL'ANNO GOLIARDICO

Am ricordi che a Pavia parli ad cinquant'ani fà, gh'ér un mò la Goliardia, la vita 'd l'Università. In di prim dì ad Nuémbar gh'ér in gir par la cità una squadra ad landar a vusà mé sfularmà. Con ados la mantélina e 'l capél d'la facultà, i métivan a la berlina quai ch'agh davan no da trà. Sfuderand la facia ad tola i cercavan un quai franchin, i liberavan i fiö da scola, 'ndavan in gir a fa cašin. Pö i finivan in Piasa Picula sut la pansa dal cavàl par pünì 'na quai matricula, ubligà a lüstragh i bàl. La "lustratio" l'er péndisi ca tucava ai stüdentès, par evità altar süplisi, lüstràvan sénsa fas rincrès. Pö i fasivan anca 'l giurnal, la rivista di stüdént, ind'è cl'er facil parlà mal di paveš püsè evidént. Mèt in vista tütt i vi?i, pià in gir tütt i difèt, aucat, dutur, spusali?i, nesün scapava ai sò schérsèt. Gh'er da stà tént cui marachèl, cercà no da esagerà, che pö rivavan i quérèl, che nesün ha mai pagà. Adès as vèda chi in cità Prufesur, Dutur, Aucat, ch'jeran quèi che ani fà jéran i püsè malnat. AGOSTINO FARAVELLI