Elezioni, alla lunga fare i furbi non paga

Tuti i disan la sua. E a sentii lur, i g'han tuti ragion. Quèi aggh'è al Guveran, e quèi ca vuraris andàg. Quèi ch'è stai cundanà, e quèi cun la bona vuluntà. E at la cuntan su, e i disan quèl chi faran. Par ti. Par fat sta mei. Ma intant a suma in t'la bagna, a siguitam a tirà la carèta, a cercà da rivà a la fin dal mes, a fa bèla figura. E ta scapa propi al futon, parchè tuti at mangian ados, e at dà l'idea, che pusè ièn impurtant, pusè i pensan par so cunt. E l'è no che chi l'è ca vusa pusè fort, a g'ha pusè ragion. Altar che i fioeu, e le generazioni future. Alura, at vegna da dì, che i fagan quèl chi voeuran, che mi stò a cà mia, tant, a cambia gnent. Ma anca quèst, a l'è sbaglià. Tuca fa al so duver, e cume sempar, seconda cusiensa. E alura, fumal! Parchè l'è giusta insì. Parchè suma fai insì. E che alla capisan, una bona volta, ca dorman no da pé, che al mond al cura, e tuca stag a dré, e a la longa, fa i furb, l'ha mai pagà. Gaetano Respizzi