«Povar pont, t'han distrütt, t'han massà»

Ecco il testo della poesia. L'avarissam mai credü car'al mè Pont dopu tanti ann da cugnussat quasi pü disquatà, ruvinà pien ad dann! Vèd no a Pavia al Pont Tesìn l'era cum'è a Ruma vèd no San Pedar poe guardarm in giù dai pugiulin i pèss chi nudavan in l'acqua ad vedar. Pudivam sta luntan cent mia ma disèm la verità, alsè la front la prima roba che cercavm'a Pavia l'er no forsi al cesiulin dal Pont? Povar cesiulin in sì bel nett cu' i quattar barc e l'altarin San Giuvan, i cœr, i quadrett cu' i finestar chi dorm in Tesìn. S'andava dentar cum divussion disivam un pater snugià in sla barca e par fass prutegg dl'inundassion metivam in dla bussla una palanca. E t'agh sè pü! Dispresi pussè gross la pudivan fa altar che di baloss t'han distrütt, t'han massà i Burza ch'eran brav e bon mè'l pan! Ma per tutt a ben ch'at vurum traul e quadrei e müradu sta sicür che ia truvaruma par giustat, o cesiulin dal su! Vistarino, settembre 1944