Cosi era il «prufesur»

In ricord dal Prufesur Giuan Vacari
Forse cun Lü finisa la generasion / di persunagg paves, ch'hän dat dumà l'impègn, / sentend fort par Pavia, in dal cör, la grän passion / e cun esempi indelebil, pär sempar hän lasà al sègn.
In di mument pusè scür, ativ contra la tirania, / pö impegnà puliticament pär la ricostrusion, / pär cinc an esemplar Sindic ad Pavia, / prufesur, preside e pö asesur a l'istrusion.
L'è stat änca om spurtiv, ad Tesin inamurà, / cun al so veg barcè, a vugà sü pär Canal, / d'estad sicurament quänti paves l'hän incuntrà, / änca ultimament, sepür cun i dulur ai spal.
Pavia la s'inchina davänti al Prufesur Vacari, / om che in dla vita l'ha sempar cumbatù / pär esaltà l'unur e l'unestà, principi rari: / e che incö pär sempar i occ l'ha sarà sù.
Mario Grazioli- Pavia